Wanneer Annette na jare onverwags met haar bloedfamilie herenig word, lyk dit of ’n nuwe seisoen van hoop vir haar en haar kinders aangebreek het. Op die wynplaas La Roche vind hulle rus, liefde – en ’n tweede kans.

Maar onder die oppervlak borrel ou geheime, en die verlede klop aan met sy eie agenda. Die stil, geheimsinnige boekhouer, Bruce Dubois, het meer as net sy werk op die hart. Wanneer Annette se jongste dogter, Estelle, spoorloos verdwyn tydens ’n skou, word die gesin se wêreld onherroeplik geskud. ’n Kat-en-muis-speletjie volg – met tyd, vertroue en geloof as die enigste wapens teen ’n gewetenlose afperser.

Terwyl die gesin alles op die spel plaas om hul kind terug te kry, word die ware betekenis van liefde, volharding en genade getoets. En net wanneer alles verlore lyk, wys die Here se hand weer dat niks ooit te verlore is om te red nie …
Die donker geheim is ’n spanningsverhaal vol hart, familiekrag en die soeke na lig te midde van die donkerste nag.

Trane van ’n Kind.
Ria Steyn het gedink haar ware identiteit kan sy versteek agter vuil mure vol graffiti, totdat daar ’n moord gepleeg word in die woonstel langsaan. Wie is Ria Steyn en wat is haar verbintenis met die agtien meisies wat in die George, Hermanus, Kleinmond en omliggende gebiede onverklaarbaar vermis geraak het?
Verwyte oor Verlore Tyd
Net ’n paar dae terug het Santie voor die oop graf gestaan. Haar man en kinders half agter haar. Hulle het die vrou begrawe wat haar in die lewe gebring het en wat sy haar hele lewe lank nie wou erken as haar ma nie.Nou sit sy in die prokureur se kantoor en kan nie glo wat sy hoor nie. Die brief in haar ma se handskrif keer haar hele lewe op sy kop.

Wanneer Carly Eloff uitvind van haar man se buite-egtelike verhouding, trek sy finaal die woonsteldeur agter haar toe en stap die nag in.
Ans Barnard laai haar op en neem haar in.  Carly gaan saam plaas toe. Almal aanvaar haar teenwoordigheid in die klein huisie, maar Ans se susterskind en mede-plaaseienaar is ‘n ander storie. Marnus, met sy afsydige houding en ysblou oë wat tot in haar siel kyk, beskou haar as ‘n indringer en fortuinsoeker, of so voel dit vir haar. Haar lewe word ‘n tweede keer omgekeer wanneer haar geliefde tannie Ans onder verdagte omstandighede sterf.
Wat hou die toekoms in vir Carly? Sal sy Marnus kan oortuig van haar eerbare bedoelings met sy tante? Gaan sy aanbly op die plaas, of moet sy elders van voor af begin?

Skilpadkop het baie interessante karakters- Bibi, Mia se beste vriendin, wat saam met haar skool gee. Bibi is ʼn vurige rooikop wat streef daarna om ʼn huwelik te kan hê soos Mia en Louw.Tannie Poppie en Oom Jors is Mia en Louw se bure en voel meer soos familie as vriende. ʼn Baie hegte en spesiale band het oor die jare tussen hulle gevorm.
Tannie Betsie maak seker dat daar geen rus en vrede op Skilpadkop is nie. Waar sy onmin kan saai, saai sy onmin.Dan kom die noodlot en wys hoe wreed en genadeloos dit kan wees…
Soms verander mense se harte in hout om seerkry te kan oorleef. Kan twee hout harte mekaar weer warm en kloppend skuur?

Hierdie twee kinders se lewens word deur leuens deurmekaar gekrap … Hoe hou hulle lewens verband? Sal hulle ooit die waarheid leer? Gaan hulle ooit die kans gegun word om hulle baie besonderse talent te geniet en suksesvolle tjelliste te word?

Adele se moedverlore toekoms kring voor haar uit! Haat sy vir Francois of sal sy hom weer kan vergewe?
Adele leer dat die toekoms nie jou keuse is nie. Sy leer dat vergewe nie genoeg is nie, dat vergeet die eintlike doel van ‘n mens se bestaan is.

Dit klink soos ‘n sprokie: Alet, ‘n weduwee, en Bernhard, sjarmant en aantreklik, ontmoet oor die internet en raak smoorverlief op mekaar. Alhoewel Alet oop kaarte met Bernhard speel oor haar lewe en haar kinders, kan dieselfde nie van Bernhard gesê word nie.
Die droom spat aan skerwe wanneer Bernhard in ‘n koma beland en Alet tot haar verbystering agterkom dat hul verhouding op leuens gebou is. As sy geweet het van die dinge wat Bernhard vir haar weggesteek het, sou sy nooit in ‘n verhouding met hom betrokke geraak het nie.
Wat gaan Alet maak met die nuwe inligting? Sy kan nie vir Bernhard konfronteer nie want hy is steeds in ‘n koma. Maar sy maak ‘n ander plan…
‘n Verhaal oor die slaggate van internet-verhoudings.

Die klimaks van die verhaal bevat intense momente van gevaar en redding, soos wanneer Michaela en haar gesin betrokke raak by ‘n dramatiese gyselaarsituasie.Die verhaal sluit af met die karakters wat groot lewensveranderinge ondergaan. Romantiese en professionele uitdagings resoneer met die leser en skep ‘n sterk emosionele band met die karakters.