Jaag nie die lewe na nie maar leef ‘n oomblik vir ‘n oomblik
Die Weermag stuur ’n span van die Spesiale Magte om die bende vas te trek en die genadelose plundering van besittings en lewens te beëindig. Kaptein Gustav Minnaar en sy manskappe bevind hulle binne-in ’n nes van dwelm- en mensehandel.
Gaan kaptein Minnaar en sy span daarin slaag om die bende vas te trek en die persoon wat agter hierdie gruweldade sit, ontmasker? Gaan hulle die ontvoerde dokters opspoor? Gaan almal lewend uit hierdie verbete stryd tree?
Binne die omslag van SENDING: WOESTYNWOLF lê al die antwoorde. Die verhaal is gelaai met spanning en baie aksie, asook ’n tikkie humor en ’n ou liefde wat, ten spyte van die stryd teen gewetenlose plunderaars, dalk weer kan opvlam.
Maak jou maar klaar vir ’n paar asem-ophou-oomblikke…
After my husband’s passing, I was overwhelmed with questions and painful memories. In my grief, I rediscovered God’s love and guidance. I had lost all hope when my husband took his last breath, but through God’s Word, hope was restored. In this book, I share my journey of healing with Abba, Yeshua, and the Holy Spirit. My prayer is that God will also become real to you and bring healing to your body, soul, and spirit as He restores you fully in His perfect design.
Ruan voel hoe sy hart swaar klop. Miskien is dit nou die tyd om haar te vertel, maar dis asof hy bang is. Bang om die veragting in haar oë te sien. Dinge het ook al klaar te vêr gevorder tussen hulle twee. Hy weet as sy die waarheid moet uitvind oor hom, sal sy hom nie maklik vergewe nie.
Die titel van die boek: “BOERSEEP EN BRAKWATER” gee erkenning aan twee lewensnoodsaaklikhede waarmee Namakwalanders noodwendig in my tyd moes klaarkom. Daar is, behalwe die mooi Afrikaans wat daar uit die hart (en nie die teksboek nie) gepraat word, nog dinge wat eie aan Namakwaland is. Twaksboom, kraalbos, oostewind en gousblom is ‘n paar, maar boerseep en brakwater het hul eie storie en karakter.
In kort kom dit daarop neer dat boerseep ons enigste kosbare selfgemaakte skoonmaakmiddel was. Jouself, jou klere, jou huis, alles is daarmee gereinig.
met gedigte
skilder ek weggesteekte seer emosies
dis my sielsasem
wat deur my are vloei
Gladys het saam met hom gegaan om net een rede: omdat sy mag. As swart vrou mag sy in die konsertsaal sit wat in haar kindertyd net vir blankes bedoel was. In sy agterkop sien hy haar nog buig voor die dawerende gehoor. Hoekom dan die byna waansinnige vrees as sy na hom kyk?
Wat gaan gebeur tussen Justin en Celest, haar ouers en sy voorouers? Kan die kleurskeidslyn verskuif en is daar ’n toekoms OOR GRENSE HEEN?
Lolla Morton het groot geword op die bende geteisterde Kaapse Vlakte. Haar ouers is tik-verslaafdes, maar Lolla het al vroeg besef dat sy beter van die lewe wil hê. Haar geleentheid kom dan ook, maar saam met haar nuwe lewe moet sy baie dinge opoffer. Sy word vervreemd van haar ouers, want hulle pas nie in haar nuwe lewe in nie.
Dat die lewe nie regverdig is nie, besef sy gou wanneer sy uitgewerp, verstoot en mishandel word. Sy beland in ‘n Noord-Kaapse dorpie, alleen, honger en met geen heenkome nie. Vrees verander later in haat wat haar hele wese inneem.
Maar dan gebeur iets wat haar dwing om terug te gaan na die plek van seerkry. Met ’n hart vol haat het sy gegaan, maar sy het nie God se planne met haar in berekening gebring nie.
Die sewentienjarige Karlyn se ma lê gekoppel aan masjiene, maar Karlyn kan glad nie onthou hoe dit gebeur het nie. Wanneer sy voel die lewe druk te veel, gaan slaan sy balle rond op die tennisbaan. Dis waar sy Dirk gedurende die skoolvakansie ontmoet. Hulle voel dadelik aangetrokke tot mekaar, al is hy ’n paar jaar ouer as sy.
Groot is haar skok toe sy met die eerste skooldag van die kwartaal ontdek dat Dirk die nuwe onnie by haar skool is, boonop is hy haar register- en wiskunde onderwyser. Maar, die hart laat nie vir hom voorskryf wie jy mag liefkry nie. Na dreigemente deur die skoolhoof, bedank Dirk as onderwyser omdat hy baie vir Karlyn omgee. Gaan Karlyn en Dirk se verhouding staande bly deur al die drama?
Dirk van Zyl verkry sy inspirasie vir skryf uit sy eie lewe. Sy oë sien raak wat min mense kan sien, en dit is ‘n gawe wat hy ontvang het.
Hierdie is my eerste kortverhale bundel en ek wil jou neem om saam met my en my vriende in die Karoo te gaan jag.
AnnMaree beeld in die boek uit van hoe ‘n jong meisie se soeke na ‘n lewe waarvan sy geen kennis dra, en waar sy veroordeel gaan word deur die kerk, gemeenskap en haar ouers. Is gay wees ’n gier? Bid ’n mens dit weg, of word ’n mens so gebore? Dit is van die vrae waarmee Petra worstel.
Nagmaal en die Engelsman is ʼn versameling uiteenlopende kortverhale, geskryf in verskillende tydvakke.
Vir baie gesinne was `n eie motor `n absolute luukse. Treinry was die algemene vervoermiddel, veral vir die spoorwegmense. Vandag hunker baie mense terug na daardie tyd en wil graag stories hoor uit die tydperk. Graag deel ek my persoonlike herinneringe, ervarings en staaltjies met die leser. Baie mense sal hulleself hiermee kan vereenselwig.
Al die vertellinge is uit persoonlike ervaringe.
“Net Vir jou” is ‘n bundel vol woorde uit Solly se hart. Hierdie bundel gedagtes en gedigte is net vir jou.
Ons eie lewens is soms vol Hanna’s, maar uit Hanna se verhaal leer ons om te bly hoop. Die spore wat ons trap is nie altyd hoe ons dit beplan nie. Soms laat ons dowwe spore agter totdat die lewe eendag vir ons die duidelike spore aandui.
